Пејачката Били Ајлиш во интервју за магазинот „Вог“ проговори за омразата кон себе во адолесценцијата и неприфаќањето на сопственото тело.
Пејачката признава дека како тинејџерка постојано се борела со сомневање во себе и се „мразела себеси“ кога се обидувала да го прифати својот изглед.
„Како тинејџерка се мразев себеси и моето тело. Всушност бев гневна кон моето тело. Бев лута поради тоа колку болка ми предизвика“, рече Били.
„Чувствував дека моето тело буквално манипулира со мене со години. Морав да поминам низ процес на прифаќање дека моето тело сум навистина јас“.
Били имала комплекси и поради изгледот во 2021 година: во едно интервју, Ајлиш призна дека се вознемирува гледајќи ги фотографиите на луѓето на социјалните мрежи, иако знаела дека не може да се верува на сè што е постирано и што изгледа реално, а не е. Таа истакна дека се уште е незадоволна од своето тело и од начинот на кој изгледа.
Били Ајлиш претходно откри дека носи предимензионирана облека, поради што често се соочувала со обвинувања дека изгледа „неженствено“. Кога пејачката почнала да носи фустани и поженствена гардероба, почнале да ја прекоруваат дека нејзините фотографии се провокативни.
Били Ајлиш ја спомна и нејзината врска со нејзиното момче, фронтменот на The Neighborhood, Џеси Радерфорд. Нивната романса стана позната во октомври оваа година, кога беа забележани на вечера.
„Откако сфатив дека сме заедно, мојот живот стана многу подобар“, рече пејачката.
