Поминаа три години откако нè напушти легендарниот музичарЃорѓе Балашевиќ. Панонскиот морнар, почина на 19 февруари 2021 година, откако ја загуби битката со коронавирусот.
Ненадејната смрт на саканиот кантавтор потресе многу луѓе низ целиот регион, со денови се простуваа од музичарот со кој изранаанеколку генерации, а во Нови Сад беше прогласен ден на жалост.
Последните денови ги поминал на инфективната клиника, а неговата сопруга Оливера во интервју откри како поминала нивната последна средба, пренесува српски Курир.
– За жал, кога беше примен на инфективното одделение на болницата, не ни беше дозволен пристап. Потоа, обиколувајќи ја зградата, наидов на една познаничка и ја прашав дали знае отприлика каде е неговата соба каде што лежи. Се прашував каде е прозорецот од неговата соба. Ми кажа дека знае дека собата на Џоле е на приземје и дека ќе ме однесе таму. Ме однесе зад зградата – рече Оливера Балашевиќ, гостувајќи во емисијата „Агапе“ и додаде:
-Тогаш се видовме. Само ја испружи раката и ме поздрави на ист начин како да нема разделба, како да нема што да ме плаши. Тука сум. Јас му мавтав и му покажував да биде силен, да биде цврст…Верувам дека сè уште постои еден прозорец низ кој комуницираме и денес.
Семејството донесе одлука да не се одржи едногодишен помен, за што Јелена Беба Балашевиќ ги извести фановите на татко ѝ.
– Одбележување на денот кога некој наш си заминал од овој свет не е нешто што некогаш се практикувало во нашата куќа. Не поради „отсуство на почит“, туку сосема спротивно. На тој некој се сеќаваш секој ден, го сретнуваш во безброј мали дневни настани, од улицата по која сте поминувале, песните што ги коментирате, спортски настан, средба со заеднички ликови… – напиша Беба на својот Фејсбук профил.
