„Препорачуваме Европскиот совет да ѝ искаже на Грузија европска перспектива, но да процени дали земјата исполнува голем број услови пред да ѝ даде кандидатски статус“.
„Ги усвоивме овие мислења откако внимателно ја оценивме основаноста на секое од трите прашања, врз основа на критериумите од Копенхаген и Мадрид“ за пристапување. Овие критериуми, појасни претседателката на Комисијата, воспоставуваат „политички и економски услови, како и способност на земјите кандидати да напредуваат на нашиот конкурентен внатрешен пазар“.
„Ова беа одредници за земјите кандидати во минатото. Морам да нагласам дека, и покрај војната во Украина, ги применивме строгите стандарди на Комисијата при оценувањето на овие апликации за членство“, рече фон дер Лајен.
Во однос на Украина, „Комисијата му препорачува на Советот, прво, да и се даде европска перспектива. Второ, Украина да добие кандидатски статус, се разбира дека земјата ќе спроведе голем број дополнителни важни реформи“. Според Комисијата, објасни Фон дер Лајен, „Украина јасно ја покажа својата аспирација и посветеност да ги исполни европските вредности и стандардите на Европската унија. Осум години продолжи постепено да се приближува кон Унијата. Благодарение на Договорот за асоцијација од 2016 година, Украина веќе има имплементирано околу 70% од нормитеи стандардите на ЕУ“, и „учествува во многу важни програми на ЕУ“.
Украина, исто така, продолжи претседателката на Комисијата, има парламентарна демократија, таа има добро функционална јавна администрација која ја држи земјата на нозе за време на оваа војна. Реформата на децентрализацијата е успешна, како што исто така покажа добри перформанси на регионите и општините за време на војната. Реформата за модернизација на администрацијата е во тек. Граѓанското општество на Украина е активно. Изборниот систем се покажа слободен и фер.
„Нејзиниот образовен систем – додаде Фон дер Лајен – е добро развиен; дигиталните вештини и инфраструктурата се со висок стандард“. Според Лајен во Украина многу е направено, но останува уште многу работа за влез на Украина во Европа, пред се на полето на правото, судството, борбата против корупцијата и отстранувањето на моќта на олигарсите над економијата.
„Зеленски ни кажа дека, дури и без европскиот пат, реформите“ што ги бара Брисел „се уште се сметаат за неопходни. За Украина имаме јасна порака: таа заслужува европска перспектива и мора да добие кандидатски статус.
„Препорачуваме Европскиот совет да ѝ даде на Грузија европска перспектива, но да процени дали земјата исполнува голем број услови пред да ѝ даде кандидатски статус“, објави претседателката на Комисијата Урсула фон дер Лајен, пренесува раињуз.
I commend the positive @EU_Commission Conclusion on 🇺🇦’s candidate status. It’s the 1st step on the EU membership path that’ll certainly bring our Victory closer. Grateful to @vonderleyen & each EC member for a historic decision. I expect the positive result from #EUCO next week.
— Володимир Зеленський (@ZelenskyyUa) June 17, 2022
„Денес е навистина историски ден: Украина истовремено ја почувствува поддршката од четири моќни европски држави. А особено поддршката за нашето движење кон Европската унија“ – напиша на социјалните мрежи украинскиот претседател Володимир Зеленски по препораката на Комисијата до Советот на ЕУ да и даде на Украина статус на кандидат за влез во Европската унија.
