Пејачката Лепа Брена за време на гостување во еден поткаст откри дека останала без најмалку 15 скапи бунди, кои ги чувала од молци во фрижидер. Сепак, по домашната забава што ја организирал нејзиниот син, имала што да види.
Сите бунди, како што раскажува, биле исечени, со дупки, „како да ги сечел некој со жилет“.
– Јас сум жена во шоу-бизнисот и имам собрано многу бунди. Тие правеле забава на базенот, а јас своите бунди ги чувам во фрижидер. Ги ставам во памучни кеси за да се заштитат од молци. Имам 15, 20 бунди, во различни бои, долги, кратки, некои од чинчила, некои од сребрен норец… Само најдобрите, специјално направени за мене. Кога го отворив фрижидерот, буквално се шокирав – сите бунди беа уништени. Исечени, со дупки, како да ги сечел некој со жилет. Реков: „Човече, што им се случи на моите бунди?“ Петнаесет бунди беа целосно уништени! – раскажала Брена во „Вошткаст“.
Причината за несреќата, како што објасни пејачката, била прилично едноставна.
– Ми кажува Ката: „На друштвото на Виктор им било студено на базенот, каде што правеле забава, па сите ги облекле твоите бунди“. Сите се испокинале. Дури една бунда исчезнала – веројатно некоја девојка ѝ било студено и едноставно си заминала со неа – раскажала Брена.
