Младиот човек бил фатен во Лејк Форест по кратка потера.
Роберт „Боби“ Кримо Трети, 22-годишниот осомничен дека е извршител на пукањето во Хајленд Парк, Илиноис, е фатен на 4 јули. Ова го соопшти полицијата, пренесуваат локалните медиуми. Младиот човек бил фатен во Лејк Форест од полицијата во Северен Чикаго и одведен на испит во полиција.
Билансот од уште едно пукање во САД е голем: 6 мртви и најмалку 26 повредени – на возраст меѓу 8 и 85 години, кои сега се хоспитализирани во болницата Хајленд Парк, од кои четири или пет се деца.
Сите членови на бендот и на фудбалскиот тим на Highland Park High School кои присуствуваа на парадата на 4-ти јули се безбедни, објави началникот на училишната област, Брус Ло. Гимназијата Хајленд Парк најави дека од денес ќе им стави на располагање психолошки советници за учениците и членовите на персоналот. „Се подразбира дека уште една епизода на оружено насилство предизвика непоправлива штета и повреди…“, рече Ло.
Масовното пукање во Хајленд Парк е 308. масовно пукање во САД од почетокот на годината, покажуваат податоците од Архивата за огнено насилство.
