За време на конфронтацијата на тв-дебатата, Сунак ја потсети својата „ривалка“ – за референдумот за Брегзит – „дека треба да остане во Европската унија“. Трас пак му посочи дека доколку се следат неговите планови, ќе се заврши „во рецесија“.
ТВ дебатата меѓу двајцата кандидати за лидерство на Ториевците, Риши Сунак и Лиз Трас, заврши со директна пресметка: според анкетата на Pollster Opinium на илјада конзервативни гласачи, поранешниот министер на финансии е малку во предност со 39% од преференциите наспроти 38% од министерката за надворешни работи.
И Сунак и Трас избегнаа да го нападнат премиерот во заминување Борис Џонсон за време на ТВ конфронтацијата. За министерката за надворешни работи, и покрај грешките што ги направи – од кршење на правилата на партијата за „Ковид“ до назначувањето на Крис Пинчер за заменик на парламентарна група и покрај наводите за вознемирување – шефот на Даунинг стрит не заслужил да ја загуби функцијата. Така, Трас рече, време е за „заслужена пауза“ за него. Неговиот избор да ја напушти владата – рече Сунак – беше „прашање на принцип“, „кога е премногу е премногу“, додаде тој, јасно изјавувајќи дека нема да има место за него во неговата идна влада.
И двајцата потоа ја отфрлија можноста за распоредување на британската кралска морнарица во Црното Море за да се заштити украинскиот извоз на жито.
Трас, министерката за надворешни работи, рече дека „не е подготвена за директно вклучување на Обединетото Кралство во конфликтот“, додавајќи дека би било „погрешно“ Лондон да испрати војници во земја што не е членка на НАТО. Поранешниот министер за финансии не ја отфрли јавно оваа опција, но претпочита да ја пофали реакцијата на Лондон за руската инвазија, нагласувајќи го едниот од „најсилните досега“ економски пакети санкции.
Во еден од најжестоките моменти од дебатата, Сунак ја потсети својата „ривалка“ – за референдумот за Брегзит – „дека треба да остане во Европската унија“. Трас пак му посочи дека доколку се следат неговите планови, земјата ќе заврши „во рецесија“.
Конечно, за Кина, Трас рече дека Англија„не треба да ја направи истата грешка како што ја направи со Русија“. Но, Сунак нападна: „Она што треба да го направиме е да признаеме дека Кина е закана за нашата безбедност“, пренесува раињуз.
