Поранешниот претседател на САД, Доналд Трамп, изјави дека барањето одговорност од него за упадот на Капитол од страна на неговите приврзаници има само една цел, а тоа е да се обидат да го исклучат од следните пртседателски избори.
„Луѓето разбираат дека Демократското биро за истраги работи да ме спречи да се кандидирам на претседателските избори бидејќи знаат дека ќе победам“, рече Трамп.
Поранешниот претседател истакна дека обидите да му наштетат уште повеќе ќе ги обединат поддржувачите околу него.
Претходно беше објавено дека специјалниот комитет на Претставничкиот дом на САД, кој го истражува нападот на Капитол на 6 јануари 2021 година, препорача Министерството за правда да поднесе кривична пријава против поранешниот претседател Доналд Трамп во врска со овој настан.
Препораките на Комитетот не се обврзувачки за Министерството за правда, а Министерството за правда треба да одлучи дали ќе продолжи со понатамошни судски истраги за поранешниот претседател.
