И покрај високите хонорари за неговата неверојатна глума, богатството на холивудскиот актер Том Сајзмор во 2023, во моментот на неговата смрт, се проценува на само 500.000 долари.
Сајзмор, кој почина на 3 март од последица на мозочен удар, глумеше во блокбастери како „Спасување на војникот Рајан“, „Непријател на државата“ и „Перл Харбор“, но неговата кариера опадна поради неговите проблеми со зависноста од дрога и затворската казна во 2003 година за напад на неговата тогашна девојка, Хајди Флеис.
Тој беше уапсен повторно во 2007 година за поседување метамфетамин и своевремено откри дека во најтемниот период живеел во својот автомобил откако го изгубил својот дом вреден 7 милиони долари.
„Не бев бездомник, но морав брзо да ја продадам мојата куќа од 7 милиони долари“, рече тогаш ѕвездата.
За време на конзумирањето дрога, тој контактирал со пријателите за да им побара пари за да купи нова куќа, а меѓу оние кои ги контактирал бил и неговиот пријател, актерот Џек Николсон, кој категорично го одбил.
„Возев наоколу со мојот автомобил неколку недели, мислам дека бев на дрога, мислев дека ќе добијам пари за да купам дом од 5 милиони долари и барав пари од одредени луѓе“, искрено објасни Том.
„Го прашав Џек Николсон „дали можеш да ми позајмиш 10 милиони долари?“, а тој ми рече: „Со еден збор, не“.
На крајот, актерот завршил да живее во приколка во Силмар, област во предградието на Лос Анџелес.
„Живеев во приколка, во Силмар, горе во шумата, без вода, без струја. Сепак, јас сум прилично снаодлив, па украдов малку струја од телефонскиот столб, пренасочив малку вода. Тоа не беше кул“, откри тој.
Во интервјуто, актерот тогаш тврдеше дека бил трезен четири години, но во октомври каскадер поднел тужба против него тврдејќи дека несреќата на снимањето на „Shooter“ била предизвикана од тоа што Сајзмор бил „пијан“.
Сајзмор во 2016 година беше отпуштен од неговиот менаџер, откако беше уапсен и обвинет за семејно насилство.
