Пејачката Теодора Џехверовиќ купи дуплекс во Белград на 21-ви кат за кој плати 400.000 евра. Теодора успеа да заработи пари за вториот имот што го поседува, во најексклузивниот дел од српската престолнина.
Како што открива извор близок до популарната Џехверовиќ, таа сонувала за нов дом во Белград на вода уште од кога започнала изградбата на луксузен станбен комплекс на брегот на Сава. Визијата за живеење во елитна населба била силна мотивација за неа да работи напорно, да штеди и да не се откажува, сè додека не можела да си го дозволи станот од своите соништа.
– Уште од кога почна да се гради Белград на вода, Теодора им кажуваше на сите како би сакала да живее таму. Тоа беше нејзината голема мотивација во претходните години. Иако не ѝ беше лесно, таа успеа да ја постигне својата цел, сама, со својата работа и труд. Купи дуплекс на 21-ви кат во една од зградите во Белград на вода. Исто така, доби попуст од продавачот, кој призна дека е нејзин обожавател! Не знам точно колку успеа да заштеди, но знам дека на крајот му платила околу 400.000 евра. Покрај тоа, купи и две паркинг места во гаражата во рамките на таа зграда – рече извор близок до пејачката и додаде дека Теодора сè уште не планира да се пресели во својот нов дом, сè додека не го уреди целосно по свој вкус.
– Таа сака секој детаљ во станот да биде совршен, па затоа ангажирала архитект и дизајнер на ентериер. Мермерната маса била нарачана од Албанија, фотелјите од јагнешка кожа пристигнале од Турција, а посебно внимание посветила на бањата, бидејќи сакала хидромасажна када и мијалник со посебен облик.
Теодора го купила својот прв стан пред три години во Вишњичка бања, а веројатно ќе го издава под кирија кога ќе се пресели во својот нов дом.
