Српската инфлуенсерка Кристина Кика Ѓукиќ ставила крај на сопствениот живот. За трагичниот настан јавноста ја извести нејзината пријателка, инфлуенсерката Лаура Тешановиќ.
Кика Ѓукиќ беше позната српска гејмерка, јутјуберка и инфлуенсерка чиј јутјуб-канал во октомври 2019 година имаше околу 639 илјади следбеници. Родена е на 25 јули 2000 година во Белград.
„На наше големо жалење, морам да ве известам дека Кика повеќе не е со нас. Сакам да изразам сочувство до нејзиното семејство и до сите луѓе кои ја сакаа и ја познаваа… Те сакам Кико, засекогаш, почивај во мир“, стои на инстаграм-профилот на пријателката на Кика.
Судејќи по претходната објава на Лаура во која оставила контакт броеви за превенција на самоубиства, Кика извршила самоубиство.
Од неа се збогуваше и инфлуенсерот Милош Бајиќ, попознат како Милош ХД…
„Сè што би сакал да кажам, а има многу работи, сега би било излишно. Почивај во мир малечка, те сакам и нека те чуваат ангелите… Најмногу би сакал ова да беше некоја глупава шега, но не е. Ситуацијата е сериозна и не можам да одговорам на сите во моментов, постои сомнеж за самоубиство, ништо повеќе не можам да напишам“, откри инфлуенсерот.
