Шпанското издание на магазинот „People“ ја прогласи колумбиската пејачка Шакира за најубава жена на светот за 2023 година.
Шакира е „жена која инспирира“, пишува познатиот магазин, а нејзините квалитети и го донесоа првото место на листата.
Во интервју за шпанското издание на споменатиот магазин, поп-дивата откри дека имало моменти кога нејзиниот свет се срушил и нејзиниот дом се распаднал.
Сепак, откри дека нејзините деца, Милан и Саша, се најголемиот извор на среќа и мотив да продолжи понатаму, да се издигне над неволјите и проблемите што ја снајдоа – вклучувајќи го и разводот со поранешниот фудбалер Жерар Пике.
