Пвиот човек на SpaceX и Tesla, Илон Маск, кој неодамна ја поседува и социјалната мрежа Twitter, го покани писателот Стивен Кинг да ја посети канцеларијата на компанијата по критиките упатени кон него. Поканата Маск ја објави на Твитер.
„Поканет е!“ – вака Маск одговори на предлогот на еден од корисниците да го покани Кинг на разговор лице в лице во седиштето на Твитер.
Понудата доаѓа откако писателот рече дека претприемачот е „визионер“ кој „го променил начинот на кој Американците размислуваат за автомобилите“, но „воопшто не е погоден за водење на Твитер“.
Претходно Маск зборуваше за планираното ажурирање „Твитер 2.0“ и иновациите што ќе ги добие социјалната мрежа. Новиот концепт на Твитер е „Апликација за се“. Милијардерот рече дека социјалната мрежа ќе има интерактивно рекламирање, можност за објавување долги објави, нови функции за видеа и промени во системот за плаќање.
