Српскиот актер Вук Костиќ (46) се ожени во тајност пред неколку месеци и доби дете. Како што наведуваат српските медиуми, неговата сопруга не е дел од јавниот свет.
Вук Костиќ, кој важеше за најпосакуван ерген, како што пишува српски „Курир“, добил ќерка и се оженил со девојка која не е од светот на театарот и глумата.
View this post on Instagram
Актерот ја криел оваа радосна вест од јавноста, наводно споделувајќи ја исклучиво со своите најблиски пријатели и колеги од Народниот театар во Белград.
Вук Костиќ никогаш не сакал премногу го експонира својот приватен живот, но секогаш нагласувал колку му е важно семејството и дека сонува да стане татко.
– Среќата е во малите работи, не е среќен оној што многу има, туку оној на кого му треба малку. Убаво би било да добијам дете, тоа е единственото нешто што ми е важно. Се остварив како актер, не страдам од тоа да бидам поуспешен. Ги сакам работите што ги имам и негувам, здравјето ми е важно, и недостасува уште остварувањето на улогата на родител – истакнал Вук претходно за медиумите.
View this post on Instagram
Актерот често нагласуваше дека хармоничните бракови на неговите родители и кумови му биле неговиот најголем пример.
– Бракот е света тајна, кога сте едно. Луѓето се угледуваат на односите во семејството, се угледуваат на своите родители. Татко ми ја држеше мајка ми како мала вода на дланка, и јас би сакал истото – рекол Костиќ, но признал и дека чувствува голема одговорност.
„Знам дека би сакал да бидам татко каков што беше тој. Можеби дури и се плашам дека нема да можам да бидам толку добар татко како што беше тој – искрено рекол актерот.
Инаку, Вук Костиќ беше во врска со Јелисавета Орашанин, која е во центарот на вниманието на јавноста поради разводот и врската со Павло Менсур.
Српскиот актер Вук Костиќ на сцената е од дете кога играл во ТВ филмови и претстави, а во приватниот живот често бил поврзуван со убави жени, па затоа и го нарекуваат српски „Дон Жуан“.
