Синоќа заврши осмата сезона по ред на најемотивното шоу во регионот „Никогаш не е доцна“, во кое се истакнаа дванаесет ветерани кои од различни причини ги остварија своите музички соништа дури во подоцнежните години.
Со емотивни приказни и одлични изведби, финалистите од круг во круг ги совојуваа симпатиите на жирито, а вчеравечер беа прогласени тројцата победници.
По собирањето на гласовите од социјалните мрежи, поточно од Фејсбук, победата во оваа категорија ја освои струмичанецот Павле Витанов, натпреварувач кој своевремено учествуваше во „Ѕвезде Гранда“.
– За време на пандемијата свирев на Фејсбук и тоа доби одличен одзив, се исплатеше. Многу сум возбуден. Им честитам на сите финалисти за големата борба и шоуто што го направија – рече Витанов.
Ласкавата титула на победничка со СМС гласови ја понесе Сабина Калтак која ја совладаа емоции од шок и од среќа, а низ солзи радосници призна дека не го очекувала овој триумф.
– Ви благодарам од се срце, ова не го очекував – возбудено изјави Сабина.
Ништо помал шок не покажа на сцената ниту Петар Спасојевиќ кој беше прогласен за победник од стручното жири, на кого Саша Милошевиќ Маре со честитки му ја додели статуетката.
