– Медитеранскиот циклон кој ја зафати целата наша држава најмногу дожд донесе во Демир Капија, дури 63 литри. Најмалку дожд наврна во Охрид и тоа 3 литри, додека во Скопје – Петровец наврнаа 13 литри дожд.
Како што беше и најавено од наша страна на највисоките планински врвови, и тоа на Пелистер има снег и е формирана снежна покривка.
Од денес следува нов период на стабилно, суво и сончево време со мала до умерена локална облачност. Во утринските и претпладневните часови по одделни котлини ќе има појава на магла и ниска облачност. Маглата локално би можела да биде и ГУСТА.
Нов бран на врнежи барем според последните анализи се очекуваат за време на викендот.
Температурите овие денови ќе бидат малку повисоки и ќе се искачуваат во интервалот од 15 до 22 степени. Во Скопје и околината следува период на стабилно и суво време, додека наутро и во претпладневните часови ќе има појава на магла и на ниска облачност. Температурата ќе се искачи до околу 19 степени, вели метеопрогнозерот Попоски.
