– Денес, како и во почетокот на новата недела која што ни претстои и покрај малиот пад на температурите, сепак и понатаму ќе имаме МНОГУ ТОПЛО време со максимални температури кој ќе се искачуваат во интервалот од 28 до 36 степени, но истите од средината на неделата повторно ќе бележат тенденција на пораст и во најтоплите предели ќе се искачуваат до околу 40 степени. Времето ќе биде претежно стабилно, суво и сончево со мала до умерена локална облачност. Исклучок ќе биде денешниот ден кога во попладневните и во вечерните часови ќе има услови за локална нестабилност, проследена со пороен дожд, грмежи, заислен ветер и услови за изолирана појава на КРАТКОТРАЈНО НЕВРЕМЕ. Во Скопје исто така ќе имаме претежно стабилно, суво и сончево време, со услови за ретка појава на нестабилност денес попладне. Температурите ќе бидат МНОГУ ВИСОКИ и ќе се искачуваат во интервалот од 31 до 37 степени. УВ – ИНДЕКСОТ и понатаму ќе има МНОГУ ВИСОКА, до ЕКСТРЕМНА вредност и ќе изнесува коефициент некде помеѓу 9 и 10, па затоа на граѓаните им советуваме да се заштитуваат од лошото влијание на сонцето, но и да пијат што повеќе течности.
Славчо Попоски најавува КРАТКОТРАЈНО НЕВРЕМЕ; температури до 40 степени
