Секојдневно постои ризик да се сретнеме со кучиња скитници на улица. Некои се однесуваат непријателски и тогаш станува опасно.
Ова се препораките на експертите за тоа како да се заштитите и да спречите каснување од улично куче.
Обидете се да останете смирени
Кучињата, како и повеќето други животни, навистина го чувствуваат човечкиот страв. Секако, доста е тешко да се смирите ако пред вас стои одеднаш агресивно куче. За почеток, треба да престанете да викате, да мавтате со рацете и да се обидувате да побегнете. Ваквите активности ќе го издадат вашиот страв и нервоза, а кучето ќе добие директен сигнал за напад.
Забавете
Ако кучето се најде на вашиот пат додека трчате, веднаш намалете ја брзината. Полека свртете се на другата страна и продолжете полека да се движите, следејќи го кучето со вашиот периферен поглед. Исто така, би било добро да застанете, да останете неподвижни и да ги опуштите рацете покрај телото. На тој начин ќе го избегнете вниманието на животното.
Не гледајте го кучето во очи
Директниот контакт со очите со кучето може да ја зголеми неговата агресивност. Животното таквиот поглед го доживува како закана и затоа прво ќе нападне. Кучето треба да се држи во вашето видно поле, но гледајќи го од страна. Тогаш тоа ќе сфати дека не сте закана и најверојатно само ќе помине покрај вас.
Одвлечете го вниманието на кучето
Во таква ситуација, секое нешто што ќе ви биде при рака ќе помогне. Дајте му ја на кучето вашата чевла, шише или ранец – се што може тоа да касне. Додека животното е окупирано, можете полека да се оддалечите, избегнувајќи последици.
Дајте му команда на кучето
Ако кучето продолжи да покажува агресија, свртете се кон него, но продолжете да гледате благо на страна и заповедајте му да си оди. Важно е вашиот глас, во тој момент, да биде самоуверен и авторитативен, но во никој случај да зрачи со страв, да биде заканувачки или врескав.
Ефективни команди се: „Не!“ и „Назад!“ – изговорени со сигурна интонација. Откако кучето ќе ги слушне, ќе ја почувствува вашата сила, ќе се исплаши и ќе се повлече.
