Шон Пен е познат не само по својот извонреден талент, туку и по неговиот прекрасен карактер и темперамент. Во февруари тој беше во Украина за да ја документира хуманитарната криза и да ги раскаже страдањата на луѓето кои бегаат од руските бомби. Подоцна, заедно со илјадници бегалци, тој побегна во Полска пешачејќи ги последните неколку километри до граничниот премин Медика.
Пен повторно се врати во Полска, во градот Жешов, за да им помогне на жртвите од војната заедно со градските власти и неговата добротворна фондација Core (Community Otrganized Relief Fort).
View this post on Instagram
За време на прес-конференцијата на која го потпиша договорот за соработка на непрофитната фондација за давање основна помош за оние кои престојуваат во Полска, Шон Пен рече:
„Во Core работиме за помош при природни и други катастрофи низ целиот свет. Би сакал да кажам дека под никакви околности не сме виделе нација што е домаќин на бегалци да нуди толку многу отворени врати за овие луѓе и на владино и на семејно и на индивидуално ниво. Тие ја заслужуваат оваа посветеност, но не секогаш успеваат да ја добијат вистинската помош. Во оваа земја има голема љубов и ова е извор на инспирација за сите нас, само нè тера да сакаме да зацврстиме уште посилни врски со градоначалникот и градот Жешов, кој е во првите редови на пречекот на бегалците, во Полска“.
