Актерката Шерон Стоун го откри идентитетот на продуцентот кој ја принудил да има секс со колегата за да им ја подобри хемијата на филмското платно, пишува Дејли меил.
Актерката пред три години веќе ја опиша ситуацијата во своите мемоари, но сега откри дека се работи за продуцентот Роберт Еванс.
За да изгледаат поверодостојно во филмот „Силвер“ од 1993 година, Еванс ја принудил Шерон да спие со Били, братот на Алек Болдвин.
Еванс, кој почина во 2019 година, ги продуцираше и „Чајнатаун“ и „Котон клаб“ и ја водеше продукцијата во Парамаунт на „Кум“, „Италијан џоб“, и „ГОлемиот Гетсби“.
– Ме повика во неговата канцеларија. Трчаше низ неговата канцеларија носејќи очила за сонце и ми објаснуваше дека спиел со Ава Гарднер и дека треба да спијам со Били Болдвин бидејќи ако спијам со него, ќе биде подобро. А требаше да бидеме подобри во филмот… Ако имав секс со него, тоа ќе го спасеше филмот…“ – опиша актерката која го предложила Мајкл Даглас за истата улога.
-Не морав да спијам со Мајкл Даглас. Мајкл можеше да дојде на работа, да добие инструкции, да ги извежба и да ги изведе – додаде таа.
