Пејачката Шер била фотографирана на состанок со продуцентот Александар Едвардс, а фотографиите од парот ги објави Дејли Мејл.
Шер (77) и Александар Едвардс (37) биле забележани на вечера во ресторанот „Funke“ во Беверли Хилс. Пејачката за оваа прилика носела црни панталони, додека Едвард бил облечен во кожени панталони и кожена јакна. Шер и Едвард се држеле за рака. На парот им се придружиле и нивните пријатели, меѓу кои и поранешниот партнер на моделката Кајли Џенер, раперот Тајга.
Во мај 2023 година, се дозна дека Шер и Александар Едвардс раскинале по неколку месеци романтична врска. Во исто време, упатените ги демантираа информациите дека пејачката и продуцентот се вериле.
View this post on Instagram
Шер и Александар Едвардс се во врска од септември 2022 година. Во декември, пејачката навести веридба со продуцентот. Сепак, малку подоцна, во таблоидите се појави веста дека Шер не добила предлог за брак, а прстенот, кој побрза да го покаже на социјалните мрежи, бил само „подарок“.
Како одговор на критиките за толку големата разлика во годините, 77 годишната Шер рече дека „љубовта не познава математика“.
„Јас нè бранам нас. Хејтерите ќе мразат… Не е важно затоа што сме среќни и никому не му пречиме. И не грижете се, јас сум заљубена, но тоа не ме заслепува“, напиша своевремено пејачката на социјалните мрежи.
