Оскаровката Шарлиз Терон имала само 15 години кога ѝ се случило најужасното нешто во животот – нејзината мајка Герда во самоодбрана го убила татко ѝ Чарлс. Таа јавно зборуваше за оваа траума за да ја подигне свеста за семејното насилство и да им помогне на другите преживеани да не се чувствуваат осамено.
Нејзиниот татко, кој бил алкохоличар, а една страотна ноќ на 21 јуни 1991 година се вратил дома во тешко алкохолизирана состојба, им се заканил дека ќе ги убие Шарлиз и нејзината мајка и почнал да пука кон заклучената спална соба во која се криеле. Нејзината мајка го земала својот пиштол и го застрелала. Против неа не била покрената кривична постапка, бидејќи надлежните органи утврдиле дека дејствувала во нужна одбрана. Инцидентот се случил во нивниот дом во Јужна Африка.
„Татко ми беше толку пијан што едвај одеше и влезе дома со пиштол. Мајка ми и јас се потпревме на вратата на спалната соба за да го спречиме да влезе. А потоа тој трипати пукаше низ вратата. Ниту еден куршум, за среќа, не нè погоди, што беше чудо. Го уби во самоодбрана за да нè спаси“, раскажа Шарлиз.
Глумицата објасни зошто против нејзината мајка никогаш не било подигнато обвинение и додала дека не се срами да зборува за страшниот настан.
„Не се срамам да зборувам за тоа бидејќи мислам дека што повеќе зборуваме за такви работи, повеќе сфаќаме дека во тоа не сме сами. Мојата приказна е приказна за раснењето со зависник и за она што зависноста му го прави на човекот. Но тоа, за жал, се случува кога проблемите не се решаваат во коренот“, заклучила Терон.
