Шакира продолжува да ги полни таблоидите, но во последните неколку недели, голем дел од фокусот беше на тоа дали таа е во врска со Формула 1 возачот Луис Хамилтон.
Минатата недела беше напорна за Шакира, која ја започна на модната недела во Париз и ја заврши на патеката Силверстоун гледајќи го Хамилтон на подиумот.
Колумбијката направи скок од Париз до Лондон, по попатната посета на Барселона каде што ги остави синовите Саша и Милан со нивниот татко Жерар Пике.
Присуството на Шакира на Британското ГП повторно ги разгоре гласините за романса меѓу возачот на Формула 1 и пејачката, но до овој момент ниту еден од двајцата не ја потврдува евентуалната романса, но не ја ни негираат.
Во неколку наврати се видени заедно, а ова е втор пат да присуствува на Гран при, бидејќи присуствуваше и на Шпанското ГП во Формула 1, повторно во близина на Хамилтон.
Според најновите информации на британските медиуми, иако Формула 1 трката одамна заврши, , Шакира не се вратила во Мајами и се уште е во „домот“ на Хамилтон, односно во Лондон. Причината, како што се оправдува таа, е нејзината соработка со Дејвид Стјуарт, британски продуцент со кој Шакира подготвува нова музика.
Но според многумина, и самиот избран соработник и тајминг за снимање песни се само уште една причина за пејачката да остане што подолго во Лондон, а на овој начин има и добар мотив.
