Пејачката Анѓела Игњатовиќ – Бресквица откри дека ќе ја дочека Новата година работно, но тоа не ѝ претставува проблем затоа што нејзините најблиски секогаш се покрај неа.
Како што истакна Бресквица, семејството е гордо на неа и не ѝ замерува за провокативните комбинации на облека, а дури ѝ дале поддршка кога неодамна на настап носела подвезици.
„Мојето семејство доаѓа на настапите. Дечкото е секогаш со мене, така што тоа не ми претставува проблем. Можеби на некои постари колеги им е досадно, но јас сè уште се забавувам со тоа“, изјави пејачката, додавајќи:
„Многу ги сакам празниците, но не можам да ја украсам куќата онака како што сакам, бидејќи имам многу животни. Сакам да правам новогодишни колачи, тоа ми е убаво. Кога ќе отпатуваме за празниците, има луѓе кои се грижат за нив“.
Родителите и дечкото неодамна биле и на нејзиниот настап за кој се зборуваше денови.
„Рекоа дека сум преубава. Искрено, преку ден се чувствувам подобро кога сум опуштено облечена, можам да носам и едното и другото. Секогаш сакав да експериментирам“, изјави Бресквица.
Пејачката не сакаше да зборува за колешките кои ја разочарале, но не штедеше пофалби за оние кои ја восхитиле:
„Сека Алексиќ, Стоја, Дара… Тие ме воодушевуваат, преубави личности. Има и колеги кои вртат глава кога ќе ме видат, но за нив не би зборувала.“
