Андријана Јаневска сподели тажна објава на нејзиниот Фејсбук профил, за многу важна и драга личност. Пејачката и виолинистка, која важи за ведра и весела, ги разнежи и ги растажи своите следбеници.
Таа се сети на нејзината мајка кога ненадејно почина во 2018 година. „Седум години, мајко, твоето име е моја молитва“, напиша таа на Фејсбук и сподели стари фотографии од неа со мајка ѝ. На крајот од 2020 година, Андријана ѝ посвети песна на мајка си.
-Песната ЛЕТАЈ е посветена на мојата мајка Нада, која за жал физички не е повеќе до мене, но секојдневно е присутна во мојот живот. Оваа година беше тешка за сите, но најтешко им беше на оние кои останаа без своите најмили. Тие се нашите бели птици, сакани од овде до вечноста- напиша Андријана на Фејбук во времето на ковид пандемијата,
-Ние, ниту не се збогувавме. Мајка ми почина ненадејно, од мозочен удар, на 62 години. Беше тоа удар за целото семејство- рече Андријана во една прилика.
„Веќе петто лето, петта зима, Сонцето, мајко, изгрева и заоѓа, секое изгрејсонце ликот твој го има,
во секоја сончевина, тебе те пронаоѓам. На мајка ми Нада“, напиша Андријана пред две години за својата мајка.
