Џенифер Лопез и колешката-актерка Леа Ремини, повторно се здружија откако беа извесен период скарани и тоа поради Бен Афлек.
Лопез, која поднесе барање за развод од Бен Афлек по две години брак, и Ремини, која објави дека се разделува од сопругот Анџело Паган во август, минуваат низ сличен тежок период.
Според инсајдерски информации за американските таблоиди, двете ѕвезди, двете 54-годишни, не можеле да поверуваат дека и двете се среде развод и почнале да го обновуваат своето пријателство. Инаку, двете беа големи пријателки, но нивната врска се залади по бракот на Лопез со Бен Афлек.
Раздорот меѓу Лопез и Ремини започна кога актерката изрази загриженост за одлуката на Лопез да се омажи за Бен Афлек.
Ремини наводно ја потсетила Лопез на нивното прво раскинување, велејќи ѝ дека Афлек е „себичен и не е целосно посветен како партнер“. Лопез, вознемирена од критиките, одлучи да ги прекине врските со Ремини, а Ремини не дојде на свадбата на Лопез и Афлек во август 2022 година.
Додека отсуството на Ремини на свадбата крена врева во медиумите, изворите во тоа време тврдеа дека таа била фокусирана на поминување време со нејзината ќерка Софија, пред да замине на колеџ.
И покрај нивната затегната врска, откако се појавија гласини за проблеми меѓу Лопез и Афлек, Ремини сакала да стапи повторно во контакт со нејзината поранешна најдобра пријателка ѝ да и понуди поддршка. Сепак, таа немала намера да ѝ каже „нели така ти реков“.
Лопез и Ремини за прв пат се сретнаа во 2004 година на премиерата на црвениот тепих кога Лопез се забавуваше со Марк Ентони, со кого таа се омажи истата година.
Нивното пријателство процвета со текот на годините, а двете пријателки станаа неразделни, дури и заедно глумеа во романтичната комедија Втор чин. Во минатите интервјуа, Ремини на хумористичен начин се присети на својот прв впечаток за Лопез, признавајќи дека на почетокот се надевала дека Лопез нема да биде толку беспрекорна лично како што се појавуваше во медиумите.
Сега, кога и двете жени се соочуваат со предизвиците на разводот, нивните заеднички искуства уште еднаш ги зближија. Лопез и Ремини се во рана фаза на обнова на своето пријателство, а врската што некогаш ја споделуваа можеби е посилна од кога било.
