Сара Мејс се отвори за еден детаљ од бракот со Димитар Атансовски, за стравот за кој досега не раскажала јавно.
Пејачката и харфистка е во брак со водителот од 2017 година и имаат две деца, Илина и Кирил. Сара и Димитар гостуваа во емисијата „Нешто конкретно“ со Снеже Велков заедно со оперските пејачи Ана и Игор Дурловски на тема семејство и брак.
Во еден дел од емисијата, Сара откри кога најмногу се плашела за нејзиниот однос со Димитар, а тоа е кога им се родила ќерката.
-Имавме помош но претежно бевме сами. Кога се роди Илина, почнав да се плашам за таа наша релација искрено, помеѓу мене и Димитар. Порано сме сметале дека полесно ги решаваме работите. Тогаш ми беше страв, на некој начин – откри Сара.
-За продлабочувањето на љубовта и за тоа како љубовта зрее и ги менува своите форми и облици… Јас не се согласувам со таа реченица: „Еј, сега сте во медот, ќе ве видам за 7-8, 10-20 години“, затоа што мојата теорија е дека љубовта навистина знае да се продлабочува.
И тоа е нешто што за првпат го почувствував како сопруга. Тој вид на длабочина го гледам и кај татко ми како го гледа моите деца како свои, како ќе му се насолзат очите кога е со нив. Но, како две планини ми се тие две работи различни- додаде Сара Мејс.
