Врховниот суд во Хрватска ја лиши хрватската пејачка Северина од целосно старателство над нејзиниот син.
Сега по донесувањето на одлуката првпат проговори Милан Поповиќ.
– Врховниот суд е највисоката судска инстанца во Република Хрватска. Пресудата беше донесена со едногласна одлука на совет од 5 врховни судии. Одлуката е праведна и јас сум задоволен, но приказната се уште не е завршена. Жупанискиот суд во Сплит и другите судии во овој случај му нанесоа непоправлива штета на нашето дете – изјави Милан Поповиќ за РТЛ, а потоа додаде:
– Ќе продолжам да ги користам сите законски средства за да ги демаскирам сите кои учествувале во тоа и да бидам соодветно санкциониран за тоа. И конечно, оваа одлука не значи дека мајката нема да може да го види детето. Во тие 20 месеци кога детето живееше со мене, мајката не дојде да го земе детето повеќе од половина од терминот, а што е уште полошо, не ни бараше повеќе да биде со детето. Ова е само уште еден медиумски циркус на Северина Вучковиќ, сезона 156.
Откако изјавата беше објавена на РТЛ, таа набрзо беше отстранета, причината не е позната.
