Објавеното видео од страна на Си-ен-ен на кое се гледа како познатиот рапер Диди безмилосно ја тепа неговата тогашна девојка Касандра Вентура, позната како Каси, во хотелот Интерконтиннтал, ја разбранува и вознемири јавноста. Видеото инаку датра од 2016 година.
🇺🇸 | Sean Combs, also known as Diddy or Puff Daddy, seen physically assaulting his ex-girlfriend Cassie in a newly released video from 2016 pic.twitter.com/cMNHNhtpdj
— Kafka (@kafka090188) May 18, 2024
Сега, конечно се огласи и раперот и на својот инстаграм-профил објави дека „навистина му е жал“.
„Го допрев дното, но не барам изговори. Тешко е кога треба да се размисли за најтемните моменти во вашиот живот, но понекогаш тоа е неизбежно. Јас не бев добро“, започна раперот.
View this post on Instagram
„Мислам дека го допрев дното, но не барам оправдувања, моето однесување во тоа видео е неоправдано. Ја преземам целосната одговорност за моите постапки во тоа видео, згрозен сум. Ми се гади кога го правев тоа, ми се гади сега. Отидов и побарав стручна помош, отидов на терапија, на рехабилитација. Морав да го молам Бога за неговата милост и спасение. Многу ми е жал. Но, јас сум посветен на тоа да бидам подобар човек секој ден. Не барам прошка, навистина ми е жал“, додаде Диди.
Инаку, Каси која е исто така пејачка го обвини раперот дека често ја тепал и ја силувал, а тоа траело цели десетина години. Во тужбата таа навела дека го запознала Диди во 2005 година, кога имала 19 години. Пејачката тврди дека тој ја контролирал и бил насилен со неа уште од самиот почеток. Таа изјавила дека ја терал на секс со машки проститутки, а тој го снимал, но и физички ја малтретирал и ја дрогирал. Каси тврди дека Диди честопати „дивјачки ја тепал“. Наводно, сè се одвивало пред очите на неговите вработени, а Диди, според пејачката, често ја терал да го носи неговото огнено оружје во чантата „за да има на ум дека е способен тешко да ја повреди“.
