Сараево е завиено во црно по тажната вест дека инфлуенсерката Адна Ровчанин-Омербеговиќ, родена во 1999 година, почина само два дена по својата свадба.
Адна и нејзиниот сопруг Фарис се венчаа во саботата, на 13 септември, во сараевскиот хотел „Холивуд“ на Илиџа, пишува „Дневни аваз“.
Таа ноќ, која требало да биде најсреќна во животот на младата двојка, на Адна нагло ѝ се слошило и итно била пренесена во Клиничкиот центар на Универзитетот во Сараево, каде што починала на 15 септември.
View this post on Instagram
Во неизмерна тага по Адна остануваат нејзиниот сопруг Фарис, таткото Алија, мајката Фикрета, сестрите Адиса, Алмедина, Алдина и Алмина, свекорот Семир, свекрвата Нермина, золвата Адна, зетовите Един, Хенес и Џенис со своите семејства, како и бројни роднини, пријатели и соседи.
Инаку, Адна се занимаваше со козметика и водеше сопствен салон во Сараево.
Пријателите ја опишуваат како вредна, насмеана и секогаш ведра личност.
„Вчера беше со нас, а денес те испраќаме. Почивај во мир, драга Адна“, „Нека ти Алах подари Џенет, а на твоето семејство сила и утеха во овие тешки моменти“, „Не е праведно животот на младите луѓе да заврши толку рано. Засекогаш ќе останеш во нашите срца“, се зборови со кои се простуваат пријателите и познаниците на социјалните мрежи.
