Пејачката Сандра Африка отворено проговори за тешката семејна тема која ја следи низ целиот нејзин живот – односот со татко ѝ и неговата страна од семејството.
Во разговор за медиумите, Сандра откри дека татко ѝ никогаш не воспоставил контакт со неа, па дури и во најважните моменти од нејзиниот живот. Таа нагласи дека не знае ни каде е погребана баба ѝ, бидејќи никој не ја известил за нејзината смрт.
„Не знам ни каде е погребана. Не можам да бркам никого, особено не татко ми. Тој цел живот не е присутен. Мене татко ми не ме побара ниту за 18. роденден. Тогаш мајка ми со тешка мака направи ручек и торта дома, а тој не се ни јави. Никогаш не се потруди да праша дали сум добро,“ раскажа пејачката.
Сандра призна дека во моментот на смртта на баба ѝ почувствувала мала жал, но веднаш потсети дека таа жена никогаш не покажала интерес за неа.
„Иста таа баба никогаш не ме побара, не ме однесе на сладолед, иако живееше блиску. Од другата страна, мамината мајка, иако живее во Германија, ми е посветена, се слушаме постојано. Така што, не го чувствувам тоа – нека ми прости Бог. Во црква запалив свеќа и тука завршив со таа приказна,“ рече Сандра.
И покрај сè, пејачката истакна дека од своето искуство извлекла поука и дека со своите деца ќе постапува поинаку:
„Развод е во ред, но децата не смеат да испаштаат. Сакам моите деца да имаат сосема различно искуство од она што јас го имав“, нагласи таа.
На крајот, Сандра додаде дека денес нема никаква потреба да разговара со татко ѝ, ниту пак постои нешто што би сакала да го праша:
„Имав прилика да разговарам со него, но реагираше без врска. За мене некои работи немаат оправдување“, заврши Сандра Африка.
