Добро е познато дека Мик Џегер некогаш важеше за еден од најголемите заводници на рок сцената. Го обожаваа многу жени, а тој редовно ги полнеше медиумите со својот бурен љубовен живот. Пред некое време се појавија гласини дека спиел дури со 4.000 жени, но на прашањето дали овие тврдења се вистинити, основачот на „Rolling Stones“ само мистериозно се насмевна.
Меѓутоа, покрај овие приказни, се шпекулираше дека Џегер сака и мажи, а во новата книга „The Stone Age“ авторката Лесли-Ен Џонс ја открива неговата наводна афера со двајца колеги, членови на бендот.
Лесли-Ен тврди дека познатиот пејач заведувал повеќе мажи отколку што всушност е познато во јавноста, вклучувајќи ги и двајцата членови на Ролинг Стоунс, Кит Ричард и Мик Тејлор, кој свирел во бендот од 1968 до 1974 година.
И двајцата се наведени во долгиот список љубовници на сите членови на бендот низ годините, што е додаден како прилог на книгата. Се спомнува и наводната романса на Џегер со Дејвид Боуви, за која претходно зборуваше и пејачката Ава Чери, која тврди дека имала секс во тројка со двајцата пејачи. Меѓу љубовниците на Џегер се најде и австрискиот актер Хелмут Бергер, човекот кој го запознал со неговата прва сопруга Бјанка.
View this post on Instagram
Во својата книга, Џонс ги цитира интервјуата со Анита Паленберг и Маријана Фејтфул, во кои и двете зборуваат за привлечноста меѓу Џегер и Ричардс.
„Штом ги запознав, видов дека Мик е вљубен во Кит“, изјави во една прилика Паленберг, која почина во 2017 година.
„Почувствував дека меѓу нив има сексуална тензија. Некако знаев дека Мик е бисексуалец“, рече Фејтфул.
Деталите за наводната врска на Џегер со Тејлор на авторката ѝ ги раскажал Пол Левет, кој во минатото излегувал со поранешната сопруга на гитаристот, Роуз.
“Таа ми кажа дека еднаш го затекнала нејзиниот сопруг во кревет со Мик Џегер. Зошто би ми го кажала тоа ако не е вистина?”, тврди Левет.
За врската меѓу Џегер и Тејлор се зборува веќе многу години. Авторот Кристофер Андерсен во својата книга од 2012 година напиша дека еден член од придружбата на бендот некогаш ги фатил заедно во кревет. Тој наведува дека Џегер имал афера и со Брајан Џонс, првиот фронтмен на групата Ролинг Стоунс, врз основа на тврдењата на Анита Паленберг, која била во врска со двајцата.
Самиот Џегер еднаш ги распали гласините за романсата со Тејлор.
“Мик Тејлор беше возбудлив, многу фин и ми даде нешто што можам да го следам. Некои луѓе мислат дека верзијата на бендот со него беше најдобра од сите”, рече Мик во интервју во 1995 година.
Авторката Џонс во својата книга шпекулира дека Џегер станал женкар бидејќи не се чувствувал пријатно зашто го привлекувале мажи и тоа влијаело на неговиот недостаток на самодоверба и мажественост.
Инаку, последната позната девојка на Мик Џегер е балерината Мелани Хемрик, која е 44 години помлада од него. Тие се во врска од 2014 година, но ретко се појавуваат заедно во јавност. Се смета дека имаат „отворена врска“, како и дека таа му ги бира љубовниците.
Џегер ѝ купил замок во Њујорк и ѝ плаќа по 15.000 долари месечно да го чува нивниот син бидејќи таа ја напушти својата работа. Тој исто така се обврзал да ги сноси сите трошоци поврзани со школувањето на неговиот син додека не наполни 18 години.
View this post on Instagram
