Родителите на Жерар Пике, кои живеат во соседство со Шакира, се жалат на непрестајните забави во куќата на нивната поранешна снаа, пренесува Радар онлајн, повикувајќи се на извор.
Таткото на поранешниот дефанзивец на Барселона и Шпанија, Жоан Пике, и неговата мајка Монсерат Бернабеу сериозно размислуваат за преселба.
Родителите на фудбалерот се принудени да го сменат местото на живеење поради нивната поранешна снаа, која живее во непосредно соседство со нив.
Според Радар онлајн, Шакира постојано организира бучни забави со огномет, го врти „до даска“ својот хит напишан за поранешното момче, а толпи нејзини обожаватели се собираат дење и ноќе во близина на нејзината куќа. Тоа предизвикува голема нервоза кај нејзините поранешни свекор и свекрва.
Односите меѓу родителите на Шакира и Жерар Пике ескалираа откако пејачката стави кукла – вештерка на нејзиниот балкон – точно наспроти прозорците на мајката на спортистот.
Минатиот јуни, Шакира и Жерар Пике раскинаа по 11 години романса и раѓање на двата сина. Причината за раскинувањето било неверството на фудбалер со студентката Клара Чиа Марти.
