Роберт Дауни Џуниор му помогнал на неговиот колега – глумецот Арми Хамер во еден од најтешките периоди во неговиот живот.
View this post on Instagram
Имено, Дауни Џуниор платил за рехабилитација на Хамер откако актерот доживеал проблеми со дрога, алкохол и зависност од секс. Дауни никогаш не криел дека му било тешко кога и тој се соочувал со слични проблеми.
Всушност, ѕвездата на Avengers: Endgame беше апсена неколку пати под обвиненија поврзани со дрога во доцните 1990-ти и раните 2000-ти. Актерот секогаш отворено зборувал за својата борба против зависноста пред да стане „чист“ во 2002 година.
Според написот објавен во Венити Фер, извор близок до Хамер изјавил дека ѕвездата на Marvel, Роберт Дауни Џуниор, платил шестмесечен престој за Арми Хамер во рехабилитационен центар на Флорида.
Центарот е опишан како „засолниште за мажи и жени кои се борат со самоповредувачко однесување предизвикано од трауматски животни настани и други основни проблеми“.
Неодамна, името на актерот стана дел од насловните страници откако корисници на Твитер открија дека тој работи на Кајманските Острови како консиерж во хотел. Претставник на Хамер сепак ја демантираше веста. Во последниве денови, извор откри за „Variety“ дека Хамер всушност работи на островот и продава акции. И минатата година во јули Хамер беше главна вест во медиумите со скандалите со зависности од дрога, алкохол и секс.
На Хамер кој е „скршен“ од сите настани кои му се случуваа во последно време, сериозно му треба рехабилитација, но и работа.
