Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи одличен и највкусен посен бургер со плескавици од зеленчук, салата, хумус и посен кашкавал.
Потребни состојки за бургерот:
- Бургер лепчиња
- Салата (марула/домат)
- Хумус
- Посен кашкавал
- Плескавици
View this post on Instagram
Потребни состојки за плескавиците:
- 1 тиквица
- 1 мал морков
- 1 кромитче
- 1 компир
- 1 лажичка пециво
- 2 лажици масло
- 2 лажици брашно
- зачини
Подготовка на плескавиците:
Изрендајте ги тиквицата, компирот и морковот, зачинете ги и оставете ги кратко да постојат. Потоа исцадете ја водата, додадете го сецканото кромитче и останатите состојки. Јас од зачини ставив сол, бибер, буковец, сув магдонос, лук во прав и мешан сув зеленчук. Оформете 4 плескавици и наредете ги во плех со хартија за печење. По желба наросете сусам и печете ги во загреана рерна на 180 С околу 20-30 минути. Дури се топли ставете им по едно парче посен кашкавал.
View this post on Instagram
Подготовка на бургерот:
На бургер лепчињата намачкајте сос/намаз по избор, јас ставив хумус. Ставете лист марула, плескавицата, парче домат и преклопете.
