Принцот Вилијам и Кејт Мидлтон објавија оглас за вработување на кој би можеле да се пријават илјадници млади луѓе. Кралската двојка бара некој кој ќе се грижи за нивниот Инстаграм и другите платформи на социјалните мрежи.
Кандидатите мора да бидат креативни и да имаат „способност да ракуваат со чувствителни информации со такт и дискреција во секое време“. Од кандидатите се бара да имаат одлично познавање за креирање содржини, вклучително и фотографирање и видео снимање.
– Ова е возбудлива можност да се придружите на комуникацискиот тим за да ја обликувате и дефинирате дигиталната стратегија на домаќинството – стои во огласот.
Иако платата не беше наведена, на слични позиции во домаќинствата на кралското семејство им се исплаќаат околу 50.000 фунти годишно или околу 4.000 фунти месечно.
