Пејачката Сузана Јовановиќ, вдовица на покојниот Саша Поповиќ, на 4 март,стана баба.
Во нејзиниот дом пристигна принова – нејзиниот син Даниел од првиот брак доби ќерка со сопругата Тијана, а девојчето го доби името Марта.
Среќната вест дојде во време кога семејството сè уште е тажно поради смртта на основачот и долгогодишен лидер на „Гранд“, Саша кој со години нагласуваше колку многу сака да стане дедо.
Пред неколку месеци, Сузана отворено зборуваше за емоциите што беа испреплетени во нивниот дом.
– Ова се денови исполнети со силни емоции за нашето семејство. Тага поради заминувањето на нашиот Сале, но и огромна среќа, бидејќи нашето семејство наскоро ќе има нов член! – рекла Сузана Јовановиќ пред неколку месеци.
– Животот често нè потсетува колку се блиски тагата и радоста една со друга и колку е важно да се зачува љубовта, семејството и спомените на оние што ги сакавме. Бесконечно се радуваме на новиот член на нашето семејство, едвај чекаме да го држиме бебето во раце, јас како баба, а Александра како тетка. Тијана и Даниел нè направија многу среќни! Ви благодариме на сите за зборовите на поддршка, честитки и разбирање во овие моменти – додала тогаш таа.
Во своето последно интервју од 2024 година, Саша Поповиќ искрено зборуваше за една неостварена желба.
– Секако дека да, без разлика дали е внука или внук, јас сакам внуче. Дали е момче или девојче, не е важно. Сузана и јас сакаме едно, но еве нè, чекаме! Чекаме да видиме што ќе се случи. Чекаме, но сè уште нема ништо… Ќе се случи – нагласил тогаш Саша.
