Српската пејачка Милица Тодоровиќ се огласила од болница и за српски „Телеграф“ открила како се чувствува и низ што поминува.
Пејачката признала во изјавата дека нејзината најголема желба се остварила – да се оствари како мајка, но и дека ѝ се случило она што не сакала – го изгубила млекото.
– Мојата најголема желба во животот се оствари, да се остварам во улогата намајка, и за тоа сум му благодарна на Бог. Ќе ве замолам, како што правевте и досега, да ме почитувате мене и моето семејство за тоа да остане така. Кога ќе дојде време, ќе разговараме за сè, сега само сакам да се опоравам и да бидам среќна со моето дете – рекла Милица за „Телеграф“.
– Поради стресот од приказната што следеше по породувањето, го изгубив млекото. Сега најважно за мене е здравјето на детето – рекла пејачката.
Милица Тодоровиќ се породи на 3 февруари во Белград, но не сакаше на медиумите да им открие кој е татко на нејзиното дете.
Пред да се породи, таа целосно се повлече од јавноста, за да се одмори и да ужива во бременоста, а направи исклучок кога беше гостинка на концертот на нејзината колешка Емина Јаховиќ.
Приватниот живот на Милица Тодоровиќ беше во центарот на медиумското внимание кога ја раскина свршувачката со момче од Хрватска кое беше уапсено минатиот февруари, па затоа не е ни чудо што не сака да каже ништо за својот нов партнер.
До денес не сакаше да открие ниту еден збор за мажот со кој забременила.
Партнерот на пејачката не сака да биде експонирана на медиумите, а Милица ја почитува неговата желба.
