Актерката Ева Лонгорија пристигна во Париз за да и даде поддршка на нејзината пријателка, дизајнерката Викторија Бекам, која ја претстави својата нова колекција на Модната недела.
Ѕвездата на „Очајни домаќинки“ носеше креација на поранешната членка на Спајс Грлс и привлече особено внимание поради провокативниот фустан во стил на неглиже.
Црниот мини фустан со тенки прерамки е изработен во комбинација на свила и проѕирни делови од тантела а во долниот дел се истакнува плисиран детал.
Смелата креација актерката ја дополни со едноставни црни сандали со вртоглаво висока потпетица. Над фустанот носеше кратка црна јакна, а во раката држеше црна ташна со дебел златен синџир.
Изданието кое неизбежно привлекува погледи го комплетираше со елегантен накит и коса собрана високо во опавче.
И додека повеќето од обожавателите го пофалија изгледот на Лонгорија, некои од нив сметаат дека малку претерала и дека понекогаш е добро да се држиме до едноставноста која исто така може да привлече внимание.
View this post on Instagram
