HBO Max пред два дена објави дека „И едноставно така…“ е подготвена за втората сезона.
„Воодушевен сум и возбуден што можам да раскажам повеќе приказни за овие живи, храбри ликови кои ги играат неверојатни актерки. Факт е дека сите сме воодушевени“, изјави извршниот продуцент Мајкл Патрик Кинг.
Но, не се баш сите воодушевени. Прилично голем дел од гледачите се прашуваат зошто воопшто има втората сезона кога првата беше лоша.
„Ова е едноставно лошо. Сценариото е ужасно, хемијата меѓу актерите е поинаква отколку во оригиналот, како само да кажуваат реченици кога ќе им дојде редот. Мислам дека тоа покажува колку е лошо сценариото. Обидот да се воведе инклузивност е ужасно изработен. Се е некако исфорсирано, ликовите се како карикатури, а интеракцијата меѓу нив е смешна и предизвикува нелагодност“, напиша еден гледач.
View this post on Instagram
„И едноставно така…“ ја доживеа истата судбина како многу продолжени серијали. Го нема сјајот на „Сексот и градот“. Жените се предизвикуваа, мажите беа секси, акцијата беше возбудлива, а досетките духовити. Сега сè е досадно, во духот на сегашната ера кога мора се да биде безбедно или ќе ве запалат на клада “, смета друг.
„Ниту сенка од тоа што беше“, додава трет.
„Ужасно и депресивно“, е уште еден коментар на разочаран гледач, кој продолжува, „Сценаристите целосно ја уништиле магијата на оригиналот. Не бев љубител на филмовите, но тие беа добри во споредба со ова. Отсуството на Саманта навистина ја нарушува динамиката. Некои серии не треба да се обновуваат”.
