Принцот Вилијам и Кејт Мидлтон објавија фотографија на која насмеани и прегрнати ја прославуваат 12-годишнината од бракот.
На денешен ден во 2011 година, принцот и принцезата од Велс се венчаа во Вестминстерската опатија. Тие денеска ја прославуваат својата 12-годишнина заедно, традиционално позната како годишнина на свилата, само една недела пред крунисувањето на кралот Чарлс.
На фотографијата направена од Мет Портеус, кралската двојка е на велосипеди под синото небо на сончево поле.
Мет е еколошки фотограф кој долго време фотографира портрети на кралското семејство.
Фотографијата ги одразува многуте еколошки страсти на парот, вклучувајќи ја, неодамна, наградата Earthshot што ја лансираа. Во своите коментари, кралските фанови посакуваа такви моменти да ги следат во текот на нивниот брак.
Исто така, фотографијата припаѓа на серијата која ја споделија на Денот на мајката.
Вилијам и Кејт се венчаа по десетгодишна врска која започна кога и двајцата беа студенти во Шкотска. По венчавката, тие добија три деца, принцот Џорџ, принцезата Шарлот и принцот Луис.
12 years ❤️
📸 @mattporteous pic.twitter.com/i5xI9kkPl7
— The Prince and Princess of Wales (@KensingtonRoyal) April 29, 2023
