Принцезата Беатрис им дала дозвола на Меган Маркл и принцот Хари да го снимаат својот документарец за Нетфликс во домот на кралицата, поточно на теренот на замокот Виндзор, пишува Дејли Мејл.
View this post on Instagram
На една од фотографиите прикажани во филмот „Хари и Меган“, војводите од Сасекс седат на високи столчиња и пијат чај во „Малата колиба“. Се верува дека фотографијата е направена од професионален фотограф.
Овој дом во склопот на замокот Виндзор беше подарок за шестиот роденден на принцезата Елизабета од жителите на Велс во 1932 година. Од 2010 година, Колибата на Нејзиното Височество ја чува нејзината внука, принцезата Беатрис. Таа, исто така, го надгледуваше реновирањето на објектот една година пред да го повика новинарот Ендрју Мар за снимање на филмот на Би-Би-Си „Дијамантската кралица“ во 2012 година.
Принцезата Беатрис е една од ретките членови на кралското семејство што сè уште е во контакт со војводите од Сасекс.
