Се уште се зборува за разводот на Сандра и Милан Калиниќ, а на површина излегуваат помалку познати детали.
Како што пишуваа српските медиуми, двајцата решиле да се разделат со заедничка согласност по осумнаесет години брак и да тргнат по својот пат.
Како што српскиот портал Пинк успеа да дознае од близок извор, Милан слушнал дека Сандра била во тајна врска со познат белградски угостител, чие име и презиме се познати на редакцијата на српски Курир.
До пред неколку години тој бил главен менаџер во неколку познати клубови и ресторани, а потоа станал сопственик на ланец на престижни ресторани. Се шпекулира дека тој и Сандра биле во тајна врска, а кога Калиниќ дознал, во куќата настанал скандал и галама. Оваа ситуација детално ја раскажал колега на Милан, на кој тој му се довери, а пренесува српски Курир.
– Низ градот се шушка дека Сандра била во врска со угостителот и многупати била видена како седи со него или веднаш до него во ресторан. Тие што го познаваат Милан го информираа за тоа и тоа беше последната капка. Тој не е светец, но не можеше да се снајде со фактот дека можеби ќе го замени човек кој во градот е познат како голем заводник. Но, тој имаше проблем и со законот, јавно беше уапсен и целата приказна му пречеше на Милан – изјави соговорникот за српски Курир.
Да потсетиме, српски Курир имаше и информација од друг извор дека Сандра веќе некое време ужива во љубовта со новото момче. Со оглед на тоа што разводот меѓу неа и Милан се уште не е финализиран, таа не е подготвена да се појави во јавноста со својот нов избраник, но нејзините блиски пријатели се воодушевени од нејзиниот избор и од фактот дека таа е среќна по долго време.
