Пејачката Марија Микиќ беше оперирана во Турција неколку дена пред Велигден, кога емотивно ѝ се обрати на јавноста поради тагата што ја чувствуваше што не е со своите деца.
Марија извади три цисти од гласните жици, а сега објави на својот инстаграм-профил каде откри што едвај чекала да направи.
Имено, пејачката објави видео од својата хотелска соба пред да полета за Белград, а во таа прилика призна дека едвај чекала да се нашминка и да се подготви по неколку дена поминати во болнички пижами.
– Не можам да ви објаснам колку едвај чекав да излезам од пижамите и од болничката атмосфера и да се нашминкам и да се дотерувам за себе. Каква операција? Кој по ѓаволите? Јас? – напиша Марија.
Во семејниот дом ја чекале нејзините деца, а на интернет го покажала букетот со лалиња кои ги добила на подарок, како и чоколадните колачиња во стаклен сад.
Колешката Емина Јаховиќ ѝ помогна на пејачката да се оперира во Турција, на која ѝ е најблагодарна.
– Кога би можела со мегафон да му кажам на целиот свет каква личност е таа кон мене. Забавната индустрија искрено никогаш не ми била змиска јама, а ни јас не сум се соочила со тоа, фала Богу. Претпоставувам дека начинот на кој се однесуваш со луѓето е начинот на кој тие се однесуваат кон тебе. Навистина сакам да им се заблагодарам на сите мои колеги кои беа покрај мене во овој тежок период, без разлика дали тоа беше добар збор или можеби совет, или препорака. Се испостави дека докторот Исмаил е познаник на Емина и се организиравме многу брзо – искрена беше пејачката.
