Текстописецот Милан Радуловиќ Лаќа, чие тело завчера беше донесено во Белград од Израел, ќе биде погребан во вторник на Новите гробишта (Ново гробље) во Белград, Србија.
Таткото на Лаќа, Александар Радуловиќ Фута не сакал обдукција, поради што текстописецот ќе биде погребан во вторник.
Погребот ќе започне во 12 часот, а тој ќе биде погребан во 12:30 часот, откако пријателите ќе изразат сочувство до Фута и поширокото семејство.
Лаќа ќе биде погребан на Новите гробишта, покрај неговиот брат Милош и мајката Марина.
Да потсетиме, Лаќа замина во Израел со намера да напише книга во која сакал да ги открие сите тајни на поп музиката, вклучително и детали за пејачите кои ѝ должеле пари на неговата покојна мајка, познатата текстописец Марина Туцаковиќ.
Потрагата по него траела неколку дена, по што полицијата го пронашла неговото тело на улица во Тел Авив.
