Поранешната сопруга на Игор Којиќ, Софија Даќиќ, го привлече вниманието на јавноста со својот настап во музичкото натпреварување „Ѕвездите на Гранд“, оставајќи многумина без зборови со својот глас и појава.
Иако по професија е инженер, Софија реши да ѝ се врати својата стара љубов – музиката. Нејзиниот настап брзо стана вирален на социјалните мрежи, а меѓу оние што се изненадиле бил и нејзиниот поранешен свекор, Драган Којиќ – Кеба, кој беше дел од жирито.
Во гостување на телевизија, Софија објасни како одлучила да се пријави во натпреварувањето.
„Завршив две пониски музички училишта – етно-пеење и флејта. Етно-пеењето е моја љубов уште од дете. Десет години посетував вокална работилница кај Биља Крстиќ, тоа ми е најубавиот дел од животот,“ раскажа таа.
Таа додаде дека љубовта кон етно-звукот ја наследила од својата мајка, која потекнува од Косово.
„Таа музика отсекогаш ми била блиска. Понекогаш свирам и флејта, но ретко. Сега учам гитара – кога немам долги нокти, прво ја земам неа,“ изјави низ насмевка Софија.
Настапот стана особено забележан во моментот кога Софија му се обрати на својот поранешен свекор.
„Добро вечер, чичко Драгане. За мене тој секогаш ќе биде чичко Драган. Немав трема од него, веќе сум пеела пред него, а и Игор знае да пее,“ рече таа.
Кеба, како член на жирито, реагираше професионално и со почит.
„Авторитетот на ова жири никогаш не е доведен во прашање. Животот пишува приказни – некогаш снаа, денес натпреварувачка. Минатото е минато, сè што било, било убаво. Ја видов на списокот пред емисијата, но не кажав никому. На бина си за мене како и секој друг натпреварувач. Се чувствува мала несигурност, но има потенцијал. Претвори ја тремата во сила, тоа е најважно,“ изјави пејачот.
И покрај тоа што нивната семејна врска е зад неа, Софија искрено призна дека, доколку можела да избере ментор, би го избрала токму Кеба.
„Ако можев да бирам, мој ментор би бил токму тој“, рече со почит и благодарност.
