-Територијата на Македонија и понатаму ќе се наоѓа под влијание на низок воздушен притисок и на серија на влажни воздушни бранови од запад. Времето ќе биде променливо облачно со повремени врнежи од дожд и тоа на повеќе места, а ќе дува и умерен до засилен, повремено СИЛЕН ветер од јужен и од југоисточен правец (повремено со брзина од над 65 км/час).
Локално ќе биде и нестабилно со ИНТЕНЗИВЕН пороен дожд (над 50 л/м2 воден талог кој може да услови локални ПОПЛАВУВАЊА), СИЛЕН ВЕТЕР и со појава на грмежи.
Од понеделник ќе биде постудено па така на повисоките планини со надморска височина од над 1500 метри врнежите од дожд ќе преминат во врнежи од СНЕГ. Температурите ќе се искачуваат во интервалот од 18 до 22 степени и истите ќе бидат ЗНАЧИТЕЛНО НАД ПРОСЕКОТ за овој период од годината, и тоа поради изразеното јужно и југозападно воздушно струење. Пониски температури како што веќе кажавме ќе имаме од понеделник и истите тогаш ќе се искачуваат во интервалот од 9 до 18 степени. Во Скопскиот регион исто така ќе дува засилен ветер од југоисточен правец и ќе има повремени врнежи од дожд и истите во следните денови повремено ќе бидат ПОИНТЕНЗИВНИ. Температурите ќе се искачуваат во интервалот од 16 до 18 степени.
ПРЕДУПРЕДУВАЊЕ: Поради ИНТЕНЗИВНИТЕ врнежи кој се очекуваат во следните денови, можно е зголемување на нивоата на реките и езерата низ Македонија, исто така како што и претходно кажавме можни се и локални ПОПЛАВУВАЊА, па затоа препорачуваме КРАЈНА ПРЕТПАЗЛИВОСТ, вели метеопрогнозерот Славчо Попоски.
