– За време на најголемиот христијански празник, Воскресение Христово – Велигден, и во текот на следната седмица под влијание на влажна и нестабилна воздушна маса од запад, времето во Македонија ќе биде променливо облачно со повремени врнежи од дожд.
Услови за врнежи од снег повремено ќе има само на највисоките планински места. Локално врнежите ќе бидат поројни и проследени со грмежи, како и со засилен ветер во зоната на нестабилност.
Во Скопје исто така ќе има повремени врнежи од дожд. Во делови од котлината има услови врнежите да бидат поројни и проследени со грмежи, како и со засилен ветер.
Температурите на воздухот ќе бележат тенденција на опаѓање и во следните денови ќе се искачуваат во интервалот од 10 до 18 степени.
Пред нас е доста променливо и нестабилно време, со почести врнежи кои локално ќе бидат поројни и проследени со грмежи и засилен ветер, што значи дека најголемиот христијнаски празник ќе го поминеме со чадорите во рака.
Христос Воскресна – Навистина Воскресна и за многу години! Пркерасен помин Македонијо! – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
