Босанско-херцеговскиот актер Мирај Грбиќ, кој домашната публика го памети како Чомбе од серијата „Луд, збунет, нормален“, повторно ги насмеа следбениците на социјалните мрежи.
Тој на Инстаграм објави фотографија на која неговата ќерка Били му го „украсила“ лицето со шарени налепници. Под објавата кратко напиша: „СОС“, што предизвика лавина од коментари.
„Сè е тоа за луѓе“, „Мала принцеза“, „Трепни двапати ако си киднапиран“, беа дел од реакциите што се нижеа под фотографијата.
Грбиќ повеќе од една деценија гради кариера во Холивуд. Во 2013 година се пресели во САД со сопругата, хрватската актерка Марија Омаљев – Грбиќ, со која е во брак од 2008 година.
Двојката живее во Лос Анџелес, каде го основаа семејството. Во октомври 2021 година ја добија ќерката Били, а во декември 2023 година и синот Ривер. Актерот често споделува моменти од приватниот живот, а објавите со децата редовно предизвикуваат симпатии кај публиката.
Минатото лето семејството одмараше во Ровињ, од каде исто така објавија фотографии што ги насмеаја следбениците.
