Иако многу ѕвезди ја зголемија безбедноста за да спречат ситуации како упади на приватен имот, обожавателот на Ријана се обиде да се прикраде и да ја запроси пејачката.
Популарната пејачка Ријана (35) повикала полиција откако непознат маж влегол на нејзиниот имот за да ја побара за жена.
Во четвртокот, портпаролот на полицискиот оддел во Лос Анџелес потврди за Пејџ Сикс дека го уапсиле мажот на нејзината адреса на Беверли Хилс околу 12.30 часот поради неовластено влегување на туѓ имот.
Човекот пропатувал долго до домот на пејачката само за да ја запроси, но ар-ен-би ѕвездата, за среќа, има безбедносни аларми и полицијата брзо интервенирала, пренесува TMZ.
Cops called to Rihanna’s home after man shows up to propose https://t.co/10oqM0Avcw pic.twitter.com/5hJTCxdKiJ
— Page Six (@PageSix) March 24, 2023
Екипата на Ријана веднаш повикала полиција, а мажот кој бил облечен во светло-црвен дуксер со качулка, бил приведен со лисици. По испрашувањето во полиција, бил ослободен.
Не се знае дали Ријана била дома.
Ова не е првпат пејачката да се соочи со неповикани посетители. Во 2018 година, непознат човек по име Едуардо Леон беше уапсен откако упаднал во домот на пејачката во Холивуд Хилс и таму ја чекал повеќе од 12 часа. За среќа, Ријана во тоа време била надвор од градот и нејзиниот асистент на крајот го открил Леон како се крие.
