Гитаристот Џеф Бек почина на 79-годишна возраст. Ова го објавија претставници на уметникот на Твитер.
On behalf of his family, it is with deep and profound sadness that we share the news of Jeff Beck’s passing. After suddenly contracting bacterial meningitis, he peacefully passed away yesterday. His family ask for privacy while they process this tremendous loss. pic.twitter.com/4dvt5aGzlv
— Jeff Beck (@jeffbeckmusic) January 11, 2023
„Во име на неговото семејство, со длабока тага ја објавуваме веста за смртта на Џеф Бек. Тој почина вчера мирно по ненадејна инфекција со бактериски менингитис“, се вели во пораката.
Џеф Бек важеше за еден од највлијателните гитаристи во светот. Неговата работа се рефлектира во музички стилови како што се блуз рок, хард рок и фјужн, а списанието Ролинг Стоун го нарече „бог на гитарата“. Во 2011 година, Ролинг Стоун го вброи како еден од најголемите гитаристи во светот, каде што беше рангиран на петото место.
Бек ја започна својата музичка кариера во рок бендот од 1960-тите Yardbirds, во кој беа вклучени и Ерик Клептон и ко-основачот на Лед Цепелин, Џими Пејџ.
Во 1967 година, Бек ја формираше својата група Џеф Бек Груп и ја започна својата соло кариера во средината на 1970-тите.
Има освоено осум Греми награди и двапати беше примен во Рокенрол Куќата на славните, во 1992 и 2009 година.
Во 2022 година, го објави албумот наречен „18“ во соработка со актерот Џони Деп, кој беше негов близок пријател. Направија заедничка турнеја во текот на летото по завршувањето на судскиот спор меѓу Деп и неговата поранешна сопруга Амбер Херд.
